फँड्री

      एका मुलाच्या मनोविश्वाची घुसमट म्हणजे फँड्री चित्रपट. ही घुसमट अधिक अधिक तीव्र होत जाते ती समाजातील अर्थीक विषमता , जातीभेद अन् पूर्वांपार आलेल्या चालीरीती अन् अंधश्रद्धा यांमुळे.

      या सर्वांमुळे जांबवतच्या (एक दलित विध्यार्थी ) हळुवार  हृदयस्थ कल्पनांचा झालेला काडीमोड अतिशय तीव्र  भासतो. शालूला (उच्च वर्णीय सहपाठी विध्यार्थिनी) लिहलेल्या पण तिला कधीही देऊ न शकलेल्या जांबवंतच्या प्रेमपत्रातून त्याची तिच्याविषयीच्या भावनांची आर्तता दिसून येत असतानाच स्वतःच्या जातीबाद्दलची सल  दुख देऊन जाते.

    

    अव्यवसायिक कलाकारांनी केलेला व्यावसायिक कलाकारांना मोहात टाकेल असा नैसर्गिक अभिनय अन् त्यास लाभलेली नागराज मंजुळेंची अतिशय सूक्ष्म दिग्दर्शनाची जोड चित्रपटाला अतिशय वास्तवदर्शी बनवते. सुरवातीला शाळा, टाईमपास अशा चित्रपटांचे आवर्तन असण्याची शक्यता गृहीत धरून हा चित्रपट पाहण्याचा मी टाळला, पण परवा तो पाहण्याचा योग आला आणि मग इतरांनाही तो दाखवल्याशिवाय राहिलो नाही.प्रत्येक मराठी रसिक वं अरसिक माणसाने पहावाच असा हा चित्रपट आहे.

     शेवटी एवढेच म्हणेन की ही कथा खेडोपाडी आज ही अस्तित्वात असणाऱ्या वर्णभेदावर, अवास्तव पण परंपागात चालीरीतींवर  भिरकावलेला दगडाचा वार  आहे !

                                                                                                   .... विश्व ताऱ्यांचे 

                                                                                               

खरातो एकची धर्म ....

      प्रेम या शब्दाची व्यापकता आपल्या भाषेमध्ये लोप पावत चालली आहे असे मला वाटते. दोन भिन्न लिंगी युवकांमध्ये प्रेम भावना जागृत होणे अगदी सहाजिकच आहे. जग खरंच वेगळे भासू लागते वगैरे वगैरे !! त्यात वावगे असे काहीच नाही. पण ही झाली फक्त मर्यादित प्रेमाची व्याख्या. केवळ त्यांच्या वैयक्तिक पातळीवरची.पण सामाजिक पातळीवर समाजाला विशाल अशा विश्वश्नीय प्रेमाची गरज आहे जे समाजातील भ्रष्टाचार, हिंसाचार, लोभ, जातीयता, धर्मियता यांना पुरून उरेल अन् कुटुंबव्यवस्था, समाजव्यवस्था भक्कम करेल.

      व्हॅलेंटाईन डे फक्त प्रियकर-प्रेयसी किंवा पती-पत्नीत साजरा केला जाणारा भारत हा एकमेव देश आहे. परदेशात मात्र याचा अर्थ व्यापक आहे. एक मुलगा आपल्या 70 वर्षे वयाच्या आजीलाही लाल गुलाब देऊन आपला व्हॅलेंटाईन बनवू शकतो. व्हॅलेंटाईन म्हणजे ज्या व्यक्तीवर आपण मनापासून प्रेम करतो अशी व्यक्ती. आपण डोळे बंद केल्यावरदेखील त्याचेच अस्तित्व आपल्या डोळ्यांसमोर तरंगत राहते. ज्याप्रमाणे मीरेने कोणत्याही स्वार्थाशिवाय कृष्णावर प्रेम केले त्याप्रमाणे. एखाद्या आईसाठी आपल्या मुलापेक्षा कोणता प्रेमळ व्हॅलेंटाईन असू शकेल? मित्रदेखील आपला व्हॅलेंटाईन होऊ शकतो. व्हॅलेंटाईनचा खरा अर्थ आहे कोणत्याही स्वार्थाशिवाय प्रेम ... आकाशाएवढे :)

   

Valentine's Day is being celebrated in memory of Saint Valentine who preached and practiced divine love for God! हे ही विसरून चालणार नाही.
                                                                                             ...  विश्व ताऱ्यांचे 

प्रतीक्षा..

     " या जीवनप्रवासात अनेक प्रवाह येऊन अगदी जवळून अलगतच निघून जातात. काही प्रवाहांची गती, दिशा वेगळी तर काहींची अगदी मिळती जुळती असते. अशातच कधी कधी भिन्न प्रवाहांची काही काळ भेट होते. वाटते आता आपली दिशा बदलेल. लहरी बदलतील. आपल्याला एक वेगळीच गती मिळेल. पण निसर्गाने काही वेगळेच ठरवलेल असते. काही क्षणातच अपेक्षांना तडे जातात अन् प्रत्येक प्रवाहांना वेग वेगळा उतार भेटतो. मार्ग तोच असतो निसर्गनियमित. पण आयुष्यभर त्या सुजल प्रवाहाला उगीचच कोरडेपणाची जणीव होत राहते.

     पण एक गोष्ट सलते ती ही की हे सर्व प्रवाह शेवटी एकाच सागरात येऊन त्याच्या  अथांगतेत असीम काळाकरिता विलीन होऊन जातात. पण मग त्यासाठी आयुष्यभराची प्रतीक्षा ..!! "

                                                                                                                   ... विश्व ताऱ्यांचे